Chasing A Prince - Chapter 08

Ilang beses nang sinipat ni Enzo ang sarili sa salamin sa loob ng comfort room. Excited siya dahil si JM ang partner i Enzo dahil sa madiin na pagduldol niya sa papel na binabasa niya at ini-edit. Naroon siya sa loob ng opisina niya at pinipilit na makapagtrabaho nang maayos. Pero kahit ano yata ang gawin niyang pagko-concentrate sa trabaho niya ay wala iyong silbi, dahil ang umookupa sa buong sistema niya ay kung ano ang ginagawa nina JM at Paula --- anak ng may-ari ng Valencia Communications --- habang nasa loob ng opisina ni JM.

Ang napag-usapan nila ni JM ay maghanap ito ng babaeng edad kuwarenta pataas para sa kanyang ama. Pero sa palagay niya, wala pang treinta anyos si Paula at wala rin siyang sinasabi na makipag-date ito sa mga babaeng irereto nila sa daddy niya. Bukod doon, mula nang i-process ang merger ng Santos Media at Valencia Communications ay palagi nang magkadikit ang mga ito. Gustong-gusto na niyang makisawsaw sa dalawa kapag nakikita niyang naghahalakhakan ang mga ito ngunit pilit niyang pinipigilan ang sarili. Professional din naman siya tao at magmumukha lang siyang walang breeding kung pati ang big boss niya sa kompanya ay kakantiin pa niya.

Gusto rin niyang sumbatan si JM. Nang nagdaang linggo kasi ay walang babalang kinuha nito ang first kiss niya. Pagkatapos ay bigla na lamang siya nitong binale-wala. Bakit wala man lang itong notification sa kanya? Naalala niya nang bigla siya nitong tinanong kung bakit wala pa siyang balak mag-settle down. Balak na ba nitong ipaalam sa lanya na may plano na ba itong mag-asawa? At si Paula ba ang masuwerteng babaeng iyon? The witty, sexy and mature woman na kayang ipag-argumento rito ang problema ng buong mundo. Ganoon ba ang tipo ng babae na gusto nito kaya hindi man lang nito iniiwasan si Paula? Bakit hindi agad niya iyon nalaman?

Naiinis na tumayo siya at lumabas ng kanyang opisina. Pakiramdam niya ay nagsisikip ang dibdib niya at tila nasu-suffocate siya. Kailangan muna niyang lumanghap ng sariwang hangin at mag-relaz. Pero saan naman kaya siya makakahanap ng sariwang hangin? Polluted na ang Metro Manila. Kung ang hangin doon ang patuloy niyang lalanghapin, baka tuluyan na siyang mawala sa katinuan.

“Enzo?”

Napalingon siya kay Thomas nang tawagin siya nito. “O?” walang ganang baling niya rito.

“Himala. Hindi ka ata nakikigulo kay JM doon sa opisina niya,” tugon nito.

“Tinatamad ako, eh,” pagdadahilan niya, saka patuloy nang naglakad sa pasilyo ng kanilang building palabas.

“Aalis ka?” tanong pa ni Thomas na sumusunod pala sa kanya.

“Nagugutom ako. Gusto kong kumain.”

“Puwdeng sumama?” tanong nito sa kanya.

Pinagtaasan niyo ito ng kilay. Kailan pa ito natutong humingi ng permiso? Sa pagkakatanda niya, dati ay basta na lang itong nakikialam at nakikisingit sa mga pinaggagagawa niya anumang sandali na gustuhin nito.

“Ano'ng nangyari sa 'yo? Bakit biglan mong naisip na magpaalam ngayon?” pagsasatinig niya ng na sa isip.

“Wala lang. Trip kong magpakatino ngayon, eh. Tara na?” yakag nito sa kanya.

Tumango na lang siya at nagpatianod kay Thomas nang igiya siya nito palabas ng building. Sa pinakamalapit na restaurant siya dinala ng binata.

“Ano'ng nangyari sa inyo ni JM? Bakit parang hindi mo siya pinapansin ngayon? Pinababayaan mo silang palaging magkasama ni Paula?” nagtatakang tanong ni Thomas pagkatapos nilang umorder ng pagkain.

“Ah, 'yon ba? Binibigyan ko lang ng space ang pinsan mo. Baka nasu-suffocate na siya sa akin. Kawawa naman.” Nababagot na nangalumbaba siya sa mesa.

Inabot ni Thomas ang isang kamay niya. Babawiin san niya iyon pero humigpit ang pagkakahawak nito roon. “Huwag kang mag-alala, wala naman itong malisya,” nakangiting saad nito. Napatunganga siya rito. “I'm just trying to comfort you. Pakiramdam ko kasi, sinusukuan mo na si JM. Why did you stop chasing after his love?”

Naguluhan siya sa sinasabing iyon ni Thomas. Hindi ba dapat ay matuwa ito kung sakali mang sumusuko na nga siya kay JM? Bakit parang sa tono nito ngayon ay parang nanghihinayang pa ito?

“Excuse me? Nagkamali ba ako ng dinig?”

Ngumiti si Thomas. “Tama ang narinig mo, hindi ka pa nabibingi. So, tama ba ako ng hinala? Sumusuko ka nang mahalin ang gagong pinsan ko?”

“Hindi siya gago!” sikmat ni Enzo kay Thomas.

“All right, all right,” sumusukong saad nito. “As I can see, you still love him.”

“I do.” He sighed.

“Then why did you stop?”

“I didn't stop loving him. I just decided to stop showing my feelings because no matter how much I try, he'd only ignore me,” pagtatapat ni Enzo. Naiinis siya. Bakit ba kailangan nila iyong pag-usapan? Kaya nga niya naisipang lumabas at kumain para iwaglit sa isip niya ang mga bagay na may kinalaman kay JM.

“If you give up too soon, you'll never know what you'll miss. Don't stop when you're tired, stop when you're done,” paghihimok pa nito na talagang ipinagtataka ni Enzo.

Mataman niya itong tiningnan. Pangiti-ngiti naman ito sa kanya. “Alam mo, naguguluhan na ako sa 'yo, Thomas. Bakit mo ako ipinagtutulakan ngayon sa pinsan mo? Hindi ba dapat, natutuwa ka kung ayoko na sa pinsan mo?”

Pinisil-pisil ni Thomas ang kamay niyang hawak pa rin nito, saka muling ngumiti sa kanya. “Bakit naman ako matutuwa na susukuan mo ang lalaking totoo mong mahal?”

“Pero hindi ba ---”

“I like you, I really do. And I think it would be impossible not to like you,” sabi ni Thomas. “Unfortunately, I know you've already given your heart to someone else,” patuloy nito.

“Gano'n naman pala, bakit lagi ka na lang sumisingit kapag ipinangangalandakan ko na mahal ko si JM?” tanong ni Enzo kay Thomas.

“Kasi naiinis ako sa kanya. I mean, naiinggit ako sa kanya,” pag-amin nito. “Sa pamilya namin, siya na lang ang palaging bida. Lahat ng gustuhin niya sa buhay, nakukuha niya. Pati tiwala ng lolo ay nakuha na rin niya gayong hindi naman maganda ang estado ng relasyon nina Tito at Lolo. Samantalanga ako, kahit anong pagsusumikap ko, hindi ko pa rin siya mapantayan sa paningin ng pamilya namin. Kaya ang naging tingin ko sa kanya ay kakompetensiya. Lahat ng mayroon siya, gusto kong agawin. Kahit ikaw, gusto kitang agawin sa kanya. Pero hindi ibig sabihin na kaya kita inaagaw ay dahil pa rin sa inggit ko sa kanya, kundi dahil totoong gusto kita. Gusto na kita uang beses pa lang kitang makita at makilala,” saglit itong huminto at tila nag-iisip. Kapagkuwan ay nagpatuloy ito sa paglilitanya.

“Kaya lang, palagi mo akong binabara. Lalo akong nayamot kay JM dahil siya ang gusto mo. But lately, I realized, kahit ano ang gawin ko, hindi na talaga kita maaagaw sa kanya dahil simula'y sapul ay inilaan mo na ang puso mo sa kanya. Na-realize ko rin na hindi dapat ako makipagkompetensiya sa pinsan ko dahil pamilya ko siya. Tinanggap ko na sa sarili ko ang pagkatalo ko. At ang gusto ko na lang ngayon ay matutuhan niyang buksan ang sarili para mahalin ang taong nagmamahal sa kanya ng sobra. Sa nakikita ko kasi kay JM, mas mahalaga sa kanya ang magtagumpay sa buhay. Nakalimutan na niyang magmahal para mahalin ang pinakaimportanteng bagay rito sa mundo. Love is like magic that can change everything in an instant.”

Nagulat si Enzo sa mga rebelasyon na iyon ni Thomas. Ang akala niyaay hindi na darating ang araw na may isa sa magpinsan ang bababa sa pedestal upang magparaya. And he admired Thomas for doing the right thing.

“At sino kaya ang dahilan nang biglang pagbabago ng isip mo?” tudyo niya rito. Sinabi kasi nitong “Love is like magic that can change everything in an instant.”

“Well,” he shrugged. “Isang tao na hindi ko inaakala kailanman na magugustuhan ko. The person may not be my type. Dahil sabi ko nga, ikaw ang gusto ko sa simula pa lang. Pero hind ko alam kung ano ang nangyari sa akin at biglang nag-U-turn ang puso ko pabalik sa taong nilalagpas-lagpasan ko lang noon.”

Hindi na niya napigilan ang maluwang na ngiting gumuhit sa kanyang labi. Kahit hindi para sa kanya ang mga pinagsasasabi nito ay parang nakikiliti pa rin ang puso niya. Akalain ba niyang maririnig niya ang ka-corny-hang iyon ng isang macho na lalaki na tulad ni Thomas. Ganoon nga talaga yata ang epekto ng pag-ibig. Ang sabi nga ni Bea Alonzo sa pelikula nitong The Mistress: “Love builds, but it also destroys.”

Dahil kung para kay Thomas, nabuo at pinatatag ng pag-ibig ang pagkatao nito, siya ay parang winawasak ang dibdib niya dahil sa patuloy na pagkapit niya sa kanyang pag-ibig para sa lalaking alam niyang kailanman ay hindi magiging kanya.